Rom 8 | Ndebele | STEP | Ngakho khathesi kakukho ukulahlwa kubo abakuKristu Jesu, abangahambi ngokwenyama, kodwa ngokoMoya .

1 Ngakho khathesi kakukho ukulahlwa kubo abakuKristu Jesu, abangahambi ngokwenyama, kodwa ngokoMoya ^a. 2 Ngoba umthetho woMoya wempilo kuKristu Jesu ^b ungikhulule ^c emthethweni wesono lowokufa ^d. 3 Ngoba lokho umthetho owawungekwenze ^e, ngoba ubuthakathaka ngenyama ^f, uNkulunkulu ethuma eyakhe iNdodana ekufananeni kwenyama elesono ^g, njalo ithunyelwe isono, walahla isono enyameni; 4 ukuze ukulunga komthetho kugcwaliswe kithi ^h, esingahambi ngokwenyama kodwa ngokukaMoya ⁱ. 5 Ngoba bona abangokwenyama ^j banakana ^k izinto zenyama ^l; kodwa abangokoMoya izinto zikaMoya ^m. 6 Ngoba ukuzindla kwenyama kuyikufa ⁿ; kodwa ukuzindla kukaMoya kuyimpilo lokuthula; 7 ngoba ukuzindla kwenyama kuyibutha kuNkulunkulu; ngoba kakuzehliseli ngaphansi komthetho kaNkulunkulu ^o, ngoba kungekwenze; 8 lalabo abasenyameni kabalakumthokozisa uNkulunkulu ^p. 9 Lina-ke alisenyameni, kodwa likuMoya, uba phela ^q uMoya kaNkulunkulu ehlala kini ^r. Uba-ke umuntu engelaye uMoya kaKristu, lowo kayisuye owakhe ^s. 10 Uba-ke uKristu ekini, umzimba ufile ngenxa yesono, kodwa umoya uyimpilo ngenxa yokulunga ^t. 11 Njalo uba uMoya walowo owavusa uJesu kwabafileyo ehlala kini ^u, yena owavusa uKristu kwabafileyo ^v uzaphilisa lemizimba yenu efayo ^w, ngoMoya wakhe ohlala kini ^x.

12 Ngakho, bazalwane, silomlandu, kungeyisikho enyameni, ukuthi siphile ngokwenyama ^y; 13 ngoba uba liphila ngokwenyama, lizakufa ^z; kodwa uba libulala imisebenzi yomzimba ngoMoya, lizaphila ^aa. 14 Ngoba bonke abakhokhelwa nguMoya kaNkulunkulu, bona bangabantwana bakaNkulunkulu ^ab. 15 Ngoba kalemukelanga ^ac umoya wobugqili ukuze libuye lesabe ^ad, kodwa lemukele umoya wokuma kwabantwana ^ae, esimemeza ngawo sisithi: Abha*, Baba ^af! 16 UMoya uqobo ufakazelana kanye lomoya wethu ^ag, ukuthi singabantwana bakaNkulunkulu ^ah; 17 njalo uba singabantwana, siyizindlalifa ^ai futhi; izindlalifa zikaNkulunkulu ^aj, lezindlalifa kanye loKristu; uba phela sihlupheka kanye laye, ukuze lathi sidunyiswe kanye laye ^ak.

Ukungena enkazimulweni emva kwezinhlupheko

18 Ngoba ngithi ^al inhlupheko zalesisikhathi kazilakulinganiswa ^am lenkazimulo ezakwembulwa kithi ^an. 19 Ngoba ukulangatha kokudaliweyo ^ao kulindele ^ap ukwembulwa kwabantwana bakaNkulunkulu ^aq. 20 Ngoba okudaliweyo kwehliselwa ^ar ngaphansi kobuze ^as, kungeyisikho ngokuthanda, kodwa ngenxa yalowo owakwehliselayo; ethembeni ^at 21 lokuthi lalokho okudaliweyo kuzakhululwa ebugqilini ^au bokubhubha kuze kube senkululekweni yenkazimulo yabantwana bakaNkulunkulu ^av. 22 Ngoba siyazi ukuthi konke okudaliweyo ^{aw
,} ^{▼▼ konke okudaliweyo: kumbe, sonke isidalwa.} kuyabubula kanyekanye kuyahelelwa kuze kube khathesi ^ay. 23 Kakusikho lokhu kuphela, kodwa lathi uqobo lwethu ^az esilengqabutho yesithelo sikaMoya ^{ba
,} ^bb, lathi uqobo siyabubula ngaphakathi kwethu ^bc, silindele ^bd ukuma kwabantwana ^be, uhlengo lomzimba wethu ^bf. 24 Ngoba sisindiswa ngethemba; kodwa ithemba elibonwayo kayisilo ithemba; ngoba lokho umuntu akubonayo, ukuthembelani futhi ^bg? 25 Kodwa uba sithemba lokho esingakuboniyo, sikulindela ngokubekezela ^bh. 26 Ngokunjalo loMoya uyasiza ubuthakathaka bethu; ngoba kasikwazi esikukhulekelayo njengokufaneleyo ^bi, kodwa uMoya uqobo usincengela ngokububula okungelakuphumisela ^bj; 27 yena-ke ohlola izinhliziyo ^bk uyakwazi lokho okuyingqondo kaMoya ^bl, ngoba ^{▼▼ ngoba: kumbe, ukuthi.} uncengela abangcwele ^bn ngokwentando kaNkulunkulu ^bo. 28 Njalo siyazi ukuthi izinto zonke zisebenzelana ^bp okuhle kulabo abamthandayo uNkulunkulu ^bq, ababiziweyo ^br ngokwecebo lakhe ^bs. 29 Ngoba labo abazi ngaphambili ^bt, wabamisa labo ngaphambili ^bu ukuthi bafanane ^bv lesimo seNdodana yakhe ^bw, ukuze yona ibe lizibulo ^bx phakathi kwezelamani ezinengi ^by; 30 lalabo abamisayo ngaphambili ^bz, bona labo wababiza ^ca; lalabo ababizayo, bona labo wabalungisisa ^cb; lalabo abalungisisayo, bona labo wabapha inkazimulo ^cc.

Ukuqiniswa kothando lukaNkulunkulu

31 Pho-ke sizakuthini kulezizinto? Uba uNkulunkulu engowethu, ngubani omelana lathi ^cd? 32 Yena ongazange ayigodle eyakhe iNdodana ^ce, kodwa wayinikelela thina sonke ^cf, uzayekela njani ukusinika ngesihle konke kanye layo ^cg? 33 Ngubani ozababeka icala ^ch abakhethiweyo bakaNkulunkulu ^ci? NguNkulunkulu olungisisayo ^cj; 34 ngubani olahlayo ^{ck
,} ^cl? NguKristu owafayo ^{cm
,} ^cn, njalo ikakhulu owavuswayo, ongakwesokunene sikaNkulunkulu ^co, losikhulekelayo ^cp. 35 Ngubani ozasehlukanisa lothando lukaKristu? Ukuhlupheka ^cq, kumbe usizi ^cr, kumbe ukuzingelwa ^cs, kumbe indlala ^ct, kumbe ubuze ^cu, kumbe ingozi, kumbe inkemba yini? 36 Njengokulotshiweyo ukuthi: Ngenxa yakho ^cv siyabulawa usuku lonke; kuthiwa sinjengezimvu zokuhlatshwa ^cw. 37 Kanti kulezizinto zonke sedlula abanqobi ^cx ngaye owasithandayo ^cy. 38 Ngoba ngileqiniso ukuthi kayisikho ukufa lempilo lezingilosi ^cz lababusi ^da lamandla ^{db
,} ^dc lezinto ezikhona ^{dd
,} ^de lezinto ezizayo ^df 39 lobude ^dg lokutshona ^dh laloba yisiphi isidalwa okuzakuba lamandla okusehlukanisa lothando lukaNkulunkulu olukuKristu Jesu iNkosi yethu ^di.